اسلام آباد (مانیٹرنگ ڈیسک )جرمنی کے شہر روسٹاک میں انوکھا واقعہ پیش آیا جہاں جنازے میں آنے والے مہمانوں کو چرس سے تیار کیک کھلا دیا گیا ۔ تفصیلات کے مطابق روسٹاک شہر میں ایک جنازے کی تقریب میں شرکت کیلئے آنے والے مہمانوں کو چائے اور کیک دیا گیا

جبکہ غلطی سے مہمانوں کو ایسا کیک کھلاجس میں چرس ملائی گئی تھی ۔ کیک کے کھانے کے بعد مرنے والے کی بیوہ سمیت 13افراد کی حالت خراب ہو گئی جس کے بعد انہیں فوری طور قریب ہسپتال پہنچایا گیا ۔ انڈیا ٹائمز کی رپورٹ کے مطابق واقعے کی تحقیقات کرنے پر معلوم ہوا کہ چرس کا کیک کھلانے کی ذمہ دار ہوٹل باورچی کی بیٹی تھی جسے کیک بنانے کا کہا گیا تھا ۔ 18سالہ لڑکی نے کیک تیار کیا اور اس میں چرس کی آمیزش بھی شامل کر دی اور ساتھ چرس کےک پتوں کو سجاوٹ کیلئے اس کے اوپر رکھ دیا ۔ پولیس نے لڑکی کیخلاف مقدمہ در ج کرنے کے بعد اسے عدالت بھی پیش کر دیا ہے ۔ عدالت میں  لڑکی کا کہنا تھا کہ اس نے وہ کیک اپنے لیے تیار کیا تھا جبکہ مہمانوں کیلئے ایک اور کیک تیار کیا گیا تھا تاہم ان کی والدہ غلطی سے چرس کی آمیزش والا کیک اٹھا کر لی گئیں تھیں۔