جمعرات‬‮ ، 03 اپریل‬‮ 2025 

چوہدری نثار پی ٹی آئی میں شامل ہوں گے، حیران کن دعویٰ

datetime 6  ستمبر‬‮  2021
ہمارا واٹس ایپ چینل جوائن کریں

اسلام آباد (مانیٹرنگ، این این آئی) چوہدری نثار تحریک انصاف میں شامل ہوں گے، اس بات کا دعویٰ سینئر و معروف صحافی ہارون رشید نے نجی ٹی وی پروگرام میں کیا۔ ان کا کہنا تھا کہ نگران حکومت آئے گی تو چوہدری نثار اپنے ساتھیوں سمیت تحریک انصاف میں شامل ہو جائیں گے، ان کا کہنا تھا کہ عمران خان اور چوہدری نثار دونوں کلاس فیلو ہیں اور ایک دوسرے کی عزت کرتے ہیں۔

دوسری جانب پاکستان مسلم لیگ(ن)کے مرکزی رہنما سابق وزیر اعظم شاہد خاقان عباسی نے کہا ہے کہ پیپلز پارٹی اعتماد بحال کرے اور اپوزیشن اتحاد میں شامل ہو جائے، پیپلز پارٹی استعفے نہیں دینا چاہتی تھی تو ہمیں بتا دیتی،چوہدری نثار علی خان رجوع کریں گے تو پارٹی فیصلہ کرے گی جبکہ پیپلز پارٹی کے مرکزی رہنما قمر زمان کائرہ نے کہا ہے کہ جے یو آئی اور مسلم لیگ(ن) نے اے این پی اور پیپلز پارٹی کو پی ڈی ایم چھوڑنے پر مجبور کیا، پی ڈی ایم اب ختم ہو گئی ہے پی ڈی ایم کو دوبارہ تشکیل دینا ہوگا ۔نجی ٹی وی سے گفتگو کرتے ہوئے انہوں نے کہا کہ پیپلزپارٹی نے ہمارا اعتماد توڑا ہے ہم نے ان کیلئے دروازے بند نہیں کئے وہ اعتماد بحال کرے اور شامل ہو جائے۔انہوں نے کہا کہ اگر پیپلز پارٹی استعفے نہیں دینا چاہتی تھی تو ہمیں بتا دیتی۔انہوں نے کہا کہ ہم نے نیک نیتی سے اپوزیشن کا اتحاد بنایا اور تمام جماعتوں کو اکٹھا کیا جب لانگ مارچ کا وقت آیا تو پیپلز پارٹی نے بہانا بنا لیا۔انہوں نے کہا کہ اگر سیاستدان سودے کر کے آتے رہے تو پاکستان آگے نہیں بڑھے گا۔ایک سوال پر انہوں نے کہا کہ مسلم لیگ (ن)وہ واحد جماعت ہے جو آئین کی بات کرتی ہے باقی جماعتیں پرانی باتیں کر رہی ہیں کہ ڈیل کر لو۔انہوں نے کہا کہ پیپلز پارٹی آئین کی بات کیوں نہیں کرتی،ووٹ چوری کی بات کیوں نہیں کرتی۔ایک اور سوال پر انہوں نے کہا کہ

چوہدری نثار علی خان رجوع کریں گے تو پارٹی فیصلہ کرے گی اگر وہ سمجھتے ہیں کہ پیپلز پارٹی اور پی ٹی آئی کی سیاست بہتر ہے تو وہ ان سے رجوع کر سکتے ہیں۔شاہد خاقان عباسی کے بعد پیپلز پارٹی کے مرکزی رہنما قمر زمان کائرہ نے گفتگو کرتے ہوئے کہا کہ جے یو آئی اور مسلم لیگ(ن) نے اے این پی اور پیپلز پارٹی کو پی ڈی ایم

چھوڑنے پر مجبور کیا،اے این پی اور پیپلز پارٹی کے چھوڑنے کے بعد حکومت مضبوط ہوئی۔انہوں نے کہا کہ ہم نے کیا گناہ کیا تھا جو ہمیں نوٹس دئیے گئے۔انہوں نے کہا کہ پی ڈی ایم اب ختم ہو گئی ہے پی ڈی ایم کو دوبارہ تشکیل دینا ہوگا ۔انہوں نے کہا کہ ہم نے کبھی نہیں کہا کہ ق لیگ کے سہارے عدم اعتماد لائیں۔انہوں نے کہا کہ پی ٹی آئی سے ق لیگ اور ایم کیو ایم کا اتحاد اصول کی بنیاد پر نہیں ہے۔

موضوعات:

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



جنرل عاصم منیر کی ہارڈ سٹیٹ


میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…

تیسری عالمی جنگ تیار

سرونٹ آف دی پیپل کا پہلا سیزن 2015ء میں یوکرائن…