اتوار‬‮ ، 27 اپریل‬‮ 2025 

بااثر شخص کیلئے ساری ریاستی مشینری حرکت میں آجاتی ہے بیمار قیدیوں کی ہسپتال منتقلی بارے حکم جاری،عدالت کا جیلوں میں وی آئی پی کلچر کے خاتمے کا بڑا فیصلہ

datetime 13  اگست‬‮  2021
ہمارا واٹس ایپ چینل جوائن کریں

لاہور(این این آئی) لاہورہائیکورٹ نے بیمار قیدی کی ہسپتال منتقلی کا عمل 3 روز میں مکمل کرنے، نامساعد حالات میں منتقلی کی اجازت ٹیلیفون کے ذریعے لینے کا حکم دیدیا۔لاہور ہائیکورٹ کے جسٹس سہیل ناصر نے قیدی فخر اسلام کی علاج کیلئے ہسپتال منتقلی کی درخواست پر جیلوں میں وی آئی پی کلچر کے خاتمے کا بڑا فیصلہ جاری کیا۔عدالت نے اپنے احکامات پنجاب کے

تمام سیشن ججز،آئی جی جیل خانہ جات، آئی جی پنجاب اور تمام متعلقہ افسروں کو بھجوانے کی ہدایت کردی۔ جسٹس سہیل ناصر نے فیصلے میں لکھا ہے کہ بااثر اور امیرشخص کیلئے ساری ریاستی مشینری حرکت میں آجاتی ہے، جن کی اس ملک میں کوئی سماجی پہچان نہیں انہیں محکموں کی خط و کتابت کے رحم و کرم پر چھوڑ دیا جاتا ہے، آئی جی جیل خانہ جات یہ بھول گئے ہیں کہ وی آئی پی کا مطلب ویری امپورٹنٹ پریزنربھی ہوتا ہے، درخواست گزار کے کیس میں آئی جی جیل خانہ جات اور جیل سپرنٹنڈنٹ نے اپنے فرائض ادا نہیں کیے، قیدی کی زندگی اور موت کی صورتحال پیدا ہونے کی صورت میں سپرنٹنڈنٹ جیل اجازت کیلئے وقت بچانے والے جدید آلات کا استعمال کرے، بیمار قیدی کی ہسپتال منتقلی کیلئے اجازت نامے کی کاپی متعلقہ سیشن جج کو خصوصی پیغام رساں کے ذریعے بھی بھیجی جائے، سیشن ججز جیلوں کے دورے کے دوران یقینی بنائیں کہ کسی بیمار قیدی کی ہسپتال منتقلی کی درخواست زیر التوا نہ ہو۔جسٹس سہیل ناصر نے فیصلے میں مزید لکھا ہے کہ درخواست پرسیشن ججز کم سے کم وقت میں کارروائی مکمل کروائیں، کریمنل جسٹس کوآرڈینیشن کمیٹی کی میٹنگ میں بیمار قیدیوں کی ہسپتال منتقلی اور علاج کا ایجنڈا بھی شامل کیا جائے،پاکستان کی جیلوں میں 2 ہزار 100 قیدی ایڈز، ہیپاٹائٹس، ٹی بی اور دیگر مختلف بیماریوں میں مبتلا ہیں،

جیلوں میں طبی امداد کیلئے آلات ہی دستیاب نہیں اور نہ ہی میڈیکل سٹاف کی آسامیاں پر کی گئیں۔جیل حکام بیمار قیدیوں کو منتقل کرنے کیلئے ایمبولینسز فراہم کرنے میں ناکام ہو چکے ہیں، مجاز حکام جیل رولز پر عملدرآمد کرنے میں مکمل طور پر ناکام ہو چکے ہیں،جیلوں میں 245 قیدیوں کی علاج کی درخواستیں تاخیر کا شکار ہیں،

عدالت محکمے کی یقین دہانی پر معاملہ ختم نہیں کرسکتی، درخواستگزار قتل کے مقدمہ میں زخمی گرفتار ہوا تھا، ڈاکٹرز نے ہڈی کی سرجری کا مشورہ دیا تھا، علاقہ مجسٹریٹ کی اجازت کے باوجود جیل سپرنٹنڈنٹ، آئی جی جیل خانہ جات اور محکمہ داخلہ پنجاب نے درخواست پر عمل کرنے میں تاخیر کی تھی۔

موضوعات:

آج کی سب سے زیادہ پڑھی جانے والی خبریں


کالم



قوم کو وژن چاہیے


بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…