مکوآنہ (این این آئی )بچیانہ:چک نمبر 567 گ ب اڈہ عباسی چوک میں عرصہ دراز سے قائم ممتاز خالد نامی ان پڑھ اتائی لیڈی ڈاکٹر کا ہسپتال مقتل گاہ بن گیا۔

بدنام زمانہ اطائی لیڈی ڈاکٹر ممتاز نے خاتون کو بیٹے کی نعمت سے محروم کردیا۔نواحی گاوں 568 گ ب حیات اللہ کے رہائشی حساس ادارے کے ملازم کی بیوی کو طبیعت خراب ھونے پر رات گئے اڈہ عباسی چوک میں قائم ہسپتال لایا گیا۔روپے کے لالچ میں اندھے ہسپتال عملہ نے خاتوں کے اہل خانہ کو ڈرایا کہ بچہ پیٹ کے اندر فوت ھو چکا ھے فوری آپریشن نہ کیا گیا تو خاتون بھی مر جائے گی۔خاتون کے ورثاء کے منع کرنے کے باوجود ہسپتال عملہ نے قبل از وقت آپریشن کرکے نومولود بچے کی جان لے لی۔آپریشن کے بعد بچہ 20 منٹ زندہ رہا لیکن مناسب انتظامات اور نان کوالیفائیڈ عملہ کی تجربہ کاریوں سے موت کے منہ میں چلا گیا۔خاتون کے ورثاء کا ہسپتال کے باہر احتجاج۔اتائی لیڈی ڈاکٹر کے خلاف کاروائی کا مطالبہ۔محکمہ صحت کی آنکھوں سے اوجھل عرصہ دراز سے اڈہ عباسی پر قائم ہسپتال متذکرہ بالا میں قبل ازیں بھی خواتین و نومولود بچوں کی اموات ھوچکی ھیں لیکن کوئی کاروائی عمل میں نہ لائی جاسکی ھے۔