اسلام آباد (مانیٹرنگ ڈیسک )ستاون فیصد شہریوں نے ملک کو غلط سمت جانے کا اظہار کر دیا جبکہ 38فیصد نے اس کے برعکس اپنی رائے دے دی ۔ تفصیلات کے مطابق پنجاب کے 46فیصد عوام نے وزیراعلیٰ پنجاب کی کارکردگی کر عدم اطمینان کا اظہار کر دیاہے
نجی ٹی وی جیو نیوز کے مطابق انسٹیٹیوٹ فار پبلک اوپینین ریسرچ کے سروے کے مطابق پنجاب کے 57 فیصد شہریوں کی رائے ہے کہ ملک غلط سمت میں جا رہا ہے جبکہ 38 فیصد کی رائے اس کے برعکس ہے۔ سات ہزار سے زائد افراد کی رائے پر مشتمل سروے کے مطابق پنجاب کے 49 فیصد شہریوں کی نظر میں مہنگائی ملک کا سب سے اہم مسئلہ ہے جبکہ 19 فیصد نے بے روزگاری اور 13 فیصد نے غربت کو پاکستان کا اہم مسئلہ قرار دیا ہے۔ سروے میں یہ بات بھی سامنے آئی کہ پنجاب کے 46 فیصد شہری عثمان بزدار حکومت کی کارکردگی سے غیر مطمئن ہیں جبکہ 32 فیصد نے صوبائی حکومت کی کارکردگی کو اطمینان بخش قرار دیا ہے۔ موجودہ معاشی صورتحال کو مدنظر رکھ کر حکومت کے پانچ سال مکمل کرنے کا سوال پر پنجاب کے 52 فیصد شہری حکومتی مدت مکمل کرنے کے حامی جبکہ 43 فیصد اس کے مخالف نظر آئے۔
