کوئٹہ(این این آئی ) کوئٹہ الیکٹرک سپلائی کمپنی(کیسکو) کے ترجمان نے کہا ہے کہ ہمسایہ ملک ایران سے مکران کے علاقوں کوبجلی فراہم کرنے والی 132KVجیکی گور۔مند ٹرانسمیشن لائن سے بجلی کی فراہمی جاری ہے اوراس سلسلے میں جمعرا ت کے روز80میگاواٹ سے `100میگاواٹ بجلی کی فراہمی میں بہتری آنے کے بعد صورتحال معمول پر آنی شروع ہوگئی ہے۔ کیسکو ترجمان نے اْمید ظاہرکی کہ مکران ڈویژن میں بہت جلد بجلی مکمل طورپر بحال ہو جائے گی جسکے بعد صورتحال معمول پر آجائے گی۔ تاہم اِس دوران کیسکونے ایران سے بجلی کی بندش پرپیش آنے والی زحمت پر مکران کے تمام صارفین سے معذرت کی ہے۔