گوجرانوالہ (این این آئی)کمشنر گوجرانوالہ ذوالفقار احمد گھمن کا لاپتہ پالتو کتا دو روز بعد آخر مل ہی گیا۔ میونسپل کارپوریشن نے کتے کو بحفاظت کمشنر ہائوس پہنچا دیا۔کتے کی تلاش کے لیے شہر میں رکشوں پر اعلانات کروائے گئے اور گھر گھر تلاشی کے لیے سرچ آپریشن بھی کیا گیا تھا۔کمشنر کے پالتو کتے کو میونسپل کارپوریشن اور پولیس کی مشترکہ ٹیموں نے دو روز بعد ڈھونڈ نکالا۔کمشنر گوجرانوالہ ذوالفقار احمد گھمن کے پالتو اور جرمن شیفرڈ نسل کے کتے کو میونسپل کارپوریشن کے ملازمین نے کمشنر ہائوس پہنچا دیا۔