اوکاڑہ (آن لائن)بیوہ بیٹی کو فائرنگ سے بچاتے ہوئے ماں جان کی بازی ہار گئی ماں بیٹی کو ملنے اس کے گھر آئی ہوئی تھی ملزم اسلحہ لہراتے اور فائرنگ کرتے ہوئے فرار ہوگیا بتایا گیاہے کہ زاہد عرف رانی بی بی اپنی بیٹی نمرہ شہزاد ی کے ہمراہ اپنی بیوہ بیٹی ثمرہ بی بی سے ملنے چک ابراہیم آئی ہوئی تھی کہ فیصل رمضان نامی اسلحہ سے لیس ہوکر آگیا جس نے بیوہ ثمرہ بی بی پر فائرنگ کر دی جو زخمی ہوکر گر پڑی اس کی والد رانی بی بی بیٹی کو بچانے کے لئے آگے بڑھی تو فیصل رمضان نے اس پر بھی فائر کھول دیا جس سے رانی بی بی شدید زخمی ہوکر گر پڑی اور موقع پر ہی جاں بحق ہوگئی جب کہ اس کی زخمی بیٹی بیوہ ثمرہ بی بی کو ہسپتال پہنچا دیا گیا ہے تھانہ بصیر پور پولیس نے مقتولہ رانی بی بی کی بیٹی نمرہ شہزادی کی رپورٹ پر مقدمہ درج کرلیا ہے