مظفر آباد (این این آئی/مانیٹرنگ ڈیسک) پاکستان مسلم لیگ (ن) کے رہنما راجا فاروق حیدر نے کہا ہے کہ آزاد کشمیر میں جتنا اسٹاف ہے پنجاب حکومت کا ہے۔میڈیا سے گفتگو کرتے ہوئے انہوں نے کہا کہ( ن) لیگ حکومت نے دوسری پارٹی کا کوئی امیدوار نہیں توڑا لیکن پی ٹی آئی نے آزاد کشمیر کا وزیر توڑ لیا۔راجا فاروق حیدر نے کہا کہ پی ٹی آئی نے پیپلز پارٹی کے بندے اپنے ساتھ ملالیے، انتخابات سے قبل دھاندلی اور کسے کہتے ہیں۔وزیراعظم آزاد کشمیر راجہ فاروق حیدر نے کہا ہے کہ کشمیر سے غلامانہ سوچ ابھی نہیں نکلی ،ایک ہفتے سے عمران خان صاحب اور ان کے وزراءآزاد کشمیر پر حملہ آوور تھے تو اس نے خرابی تو پیدا کرنی تھی ،جب نکاح ہوتا ہے تو دونوں نے قبول کرنا ہوتا ہے،ایک پارٹی تو قبول نہیں کرتی ، ہمارے سیٹنگ وزراء توڑے گئے۔