اسلام آباد (مانیٹرنگ ڈیسک)موٹر وے کے قریب پچاس گاڑیوں کو حادثہ پیش آ گیا، روزنامہ جنگ نے اپنی رپورٹ میں لکھا کہ پنڈی بھٹیاں موٹروے کے قریب پچاس سے زائد گاڑیوں کو حادثہ پیش آیا ہے۔ کسی گاڑی کے ٹوٹے ہوئے الائے رم کے جگہ جگہ پڑے ٹکڑوں سے اتوار اور پیر کی درمیانی شب پچاس سے زائد گاڑیوں کے ٹائر پھٹ گئے۔کئی گاڑیوں کو شدید نقصان ہوا جبکہ ٹائر برسٹ ہونے کی وجہ سے کئی گاڑی آپس میں ٹکرا گئیں لیکن اس حادثے میں کوئی جانی نقصان نہیں ہوا ہے، موٹر وے پولیس بھی جائے حادثہ پر امدادی کاموں میں مصروف رہی جبکہ مسافر اور گاڑیوں کے ڈرائیور بھی سڑک کلیئر کرانے کے لئے امدادی کاموں میں سرگرم رہے۔