اسلام آباد(مانیٹرنگ ڈیسک )وزیراعظم عمران خان سماجی رابطوں کی ویب سائٹ ٹویٹر پر سب سے زیادہ فالورز رکھنے والے پہلے پاکستانی بن گئے ۔ تفصیلات کے مطابق آزادکشمیر انتخابات میں زبردست کامیابی کے بعد عمران کان نے ٹویٹر پر بھی مقبولیت کا ریکارڈ بنا دیا ۔ وزیراعظم عمران خان کوٹویٹر پر 14 ملین صارفین نے فالو کیا ہے جس کے بعد وہ پاکستانی پہلے سیاستدان ہیں جن کے ٹویٹر پر14ملین فالورز ہیں ۔ اس حوالے سے فیصل جاوید نے ٹویٹر پیغام میں کہا ہے کہ وزیر اعظم عمران خان کے ٹویٹر فالورز 14 ملین سے کراس کر گئے ہیں ۔انکا کہنا تھا کہ یہ اعزاز کسی اور پاکستانی سیاستدان کو نہیں ملا یہ وزیراعظم کے حصے میں آیا ہے ۔ وزیراعظم عمران خان کا اس وقت ٹویٹر پر سب سے زیادہ فالورز رکھنے والے عالمی رہنما میں شمار ہوتا ہے اور ان کی مقبولیت میں اضافہ ہوتا جارہا ہے۔