اسلام آباد (مانیٹرنگ ڈیسک) آزادکشمیرالیکشن ڈیوٹی پرمامورپاک فوج کی گاڑی کھائی میں گرگئی، آئی ایس پی آر کے مطابق حادثے میں 4 جوان شہید اور 4 زخمی ہوئے ہیں، نجی ٹی وی کے مطابق آزاد کشمیر کی وادی نیلم کے علاقے لاسوا میں پاک فوج کی کوئیک ریسپانس فورس کی گاڑی کھائی میں گرگئی جس کے نتیجے میں پاک فوج کے 4 جوان شہید ہوگئے۔ آئی ایس پی آر کے مطابق زخمیوں کو طبی امداد کے لئے قریبی ہسپتال منتقل کر دیا گیا ہے۔ واضح رہے کہ کوئیک ریسپانس فورس آزاد کشمیر الیکشن میں امن و امان برقرار رکھنے کے لئے تعینات تھی۔

موضوعات:پاک فوج