اسلام آباد(مانیٹرنگ ڈیسک)مسلم لیگ (ن )کے رہنما عابد شیر علی کی اہلیہ انتقال کر گئیں ، عابد شیر علی نے اپنے ٹویٹ میں اہلیہ کے انتقال کی خبر شیئر کی ۔سماجی رابطے کی ویب سائٹ ٹویٹرپر عابد شیر علی نے لکھا کہ میری اہلیہ انتقال کر گئی ہیں، اِنا لِلہِ واِنآ اِلیہِ راجِعون۔عابد شیر علی کی جانب سے مزید کوئی تفصیلات نہیں بتائی
گئیں تاہم نجی ٹی وی کے مطابق ان کی اہلیہ دل کے عارضے میں مبتلا تھیں اور نجی ہسپتال میں زیر علاج تھیں۔یاد رہے کہ عابد شیر علی عرصہ سے لندن میں مقیم ہیں جب کہ ان کی اہلیہ فیصل آباد میں تھیں ۔ نجی ٹی وی دنیا نیوز کے مطابق عابد شیر علی اہلیہ کی نماز جنازہ میں شرکت کریں گے جس کیلئے انہوں نے وطن واپس آنے کا فیصلہ کر لیا ہے ۔
