کراچی(این این آئی)کراچی کے علاقے ملیر سٹی،غازی ٹاون میں موٹرسائیکل سوار ملزمان نے 6 بکریاں چوری کرنے کی کوشش کی جبکہ واقعے کے خلاف متاثرہ شخص نے ملیر سٹی تھانے میں درخواست جمع کرادی ہے۔
درخواست گزار کے مطابق واقعہ گزشتہ شب پیش آیا، بکریاں گھر سے باہر بنے کمرے میں بند تھیں، بکریاں چوری کرنے والے 3 ملزمان موٹرسائیکل اور لوڈنگ رکشے پر تھے۔متاثرہ شخص نے اپنی درخواست میں کہا کہ پڑوسی نے مجھے بتایا کہ کوئی آپ کی بکریاں چوری کررہا ہے جس کے بعد میں نے باہر نکل کر شور مچایا تو اہل محلہ بھی جمع ہوگئے۔درخواست گزار نے کہا کہ ملزمان لوڈنگ رکشہ چھوڑ کر موٹرسائیکل پر فرار ہوگئے۔دوسری جانب بکریاں چوری کرنے کی کوشش کی سی سی ٹی وی فوٹیج منظرعام پر آگئی ہے۔سی سی ٹی وی فوٹیج میں کمرے کا تالہ کاٹ کر ایک ملزم کو بکریاں نکالتے دیکھا جاسکتا ہے جبکہ سی سی ٹی وی فوٹیج کے مطابق لوڈنگ رکشہ آتے ہی بکریوں کا مالک شور کرتا ہے۔سی سی ٹی وی فوٹیج کے مطابق ملزمان بکریاں چوری کئے بغیر موٹرسائیکل پر فرار ہوگئے۔
