اسلام آباد(آن لائن) چین سے سائنو ویک ویکسین کی 30 لاکھ ڈوز اسلام آباد پہنچ گئی ہیں۔ میڈیا رپورٹ کے مطابق سائنو ویک ویکسین کی 30 لاکھ ڈوز کی پاکستان نے چین سے خریداری کی ہے، ای پی آئی نے صوبوں کو کورونا ویکسین کی ترسیل کا پلان پہلے ہی سے تیار کر رکھا ہے۔ذرائع کے مطابق قومی ایئر لائن پی آئی اے کا طیارہ چین سے ویکسین لے کر اسلام آباد پہنچ گیا ہے۔واضح رہے کہ پارلیمانی سیکریٹری صحت ڈاکٹر نوشین حامد کا کہنا ہے کہ جولائی کے پہلے ہفتے میں موڈرنا ویکسین کی ایک بڑی کھیپ پاکستان آ رہی ہے۔ میڈیا سے گفتگو کرتے ہوئے انہوں نے کہا کہ طلبہ اور دیگر اوورسیز پاکستانیوں کو موڈرنا ویکسین لگنا شروع ہوجائے گی۔