کراچی (این این آئی)وزیر اطلاعات سندھ سید ناصر حسین شاہ نے کہا ہے کہ ایک طرف حریم شاہ ہے اور دوسری طرف حلیم ہیں، اس طرح کی حرکات پہلی مرتبہ دیکھنے کو ملی ہیں۔کراچی میں میڈیا سے گفتگو میں ناصر شاہ نے کہا کہ کبھی بھی اس طرح کے حالات اسمبلی میں نہیں ہوئے، یہ لوگ رکن اسمبلی کے اہل نہیں ہیں۔انہوں نے کہا کہ یہ لوگ اب تو آگئے ہیں، آئندہ اسمبلیوں میں کبھی نہیں آئیں گے، پاکستان کے عوام نے اپنا فیصلہ دے دیا ہے۔صوبائی وزیر نے کہا کہ تمام ضمنی انتخابات میں پی ٹی آئی کو شکست ہوئی ہے، یہ جیتی ہوئی نشستوں پر بھی ضمنی انتخابات میں ہار گئے۔انہوںنے کہا کہ ان کو کچھ عرصے کے لئے بھگتنا پڑے گا، فردوس شمیم کے استعفیٰ کے اعلان پر کچھ نہیں کہوں گا۔ناصر شاہ نے کہا کہ فردوس شمیم نقوی کا استعفیٰ دینا ان کی مرضی ہے، پی ٹی آئی کی یوٹرن لینے کی روایت ہے۔