اسلام آباد (این این آئی)وزیر اعظم عمران خان نے سینئر ارکان کی عشائیہ میں غیرحاضری کا نوٹس لے لیا۔ذرائع کے مطابق عشائیہ میں مسلم لیگ ( ق) کے طارق بشیر چیمہ سمیت کئی سینئر ارکان کی عدم شرکت پر وزیر اعظم نے نوٹس لے لیا۔وزیر اعظم نے اسمبلی اجلاس میں شرکت یقینی بنانے کی ہدایت کی ہے ۔واضح رہے کہ گزشتہ روز وزیراعظم ہائوس میں حکومتی اور اتحادی ارکان پارلیمنٹ کے اعزاز میں وزیر اعظم عمران خان کی جانب سے عشائیہ دیا گیا تھا۔ذرائع کے مطابق عشائیے میں وزیراعظم، چیئرمین سینیٹ، اسپیکر قومی اسمبلی، وفاقی وزراء اور اتحادی ارکان شریک ہوئے تھے۔