ریاض(این این آئی )سعودی وزارت افرادی قوت و سماجی بہبود نے ملازمت کے اختتام پر کارکنوں کو ملنے والے مالی حقوق(مکاف نہای الخدم)کے حصول کا طریقہ کار واضح کیا ہے۔عرب میڈیا کی رپورٹ کے مطابق

وزارت کا کہنا تھا کہ سعودی عرب میں ملازمت کے ابتدائی 5 سالوں میں سے ہر سال کے حساب سے نصف تنخواہ اور اس کے بعد ہر سال پر ایک ماہ کی تنخواہ مکاف نہای الخدم کے طور پر ملتی ہے، نہای الخدم میں آخری لی جانے والی تنخواہ کے مطابق حساب کیا جاتا ہے۔سعودی وزارت نے بتایا کہ ملازم کی آخری حقیقی کل تنخواہ کے مطابق حساب کیا جائے گا، اس سے مراد یہ ہے کہ تنخواہ میں ملنے والے الائونسز بھی شامل کیے جائیں گے، ملازم نے استعفے کی بنیاد پر ملازمت کی ختم کی ہو تو 2 برس کی سروس کے بعد تہائی تنخواہ کا استحقاق حاصل ہوگا۔خیال رہے کہ مذکورہ بالا اصول سروس کا دورانیہ 5 برس کی مدت تک پر لاگو ہوگا جبکہ پانچ برس بعد نہای الخدم کا استحقاق دو تہائی تک کا ہوگا۔یہ بھی اصول ہے کہ سروس کا دورانیہ 10 برس یا اس سے زیادہ کا ہو تو ایسی صورت میں مکمل استحقاق حاصل ہوگا۔