سرینگر(این این آئی) مقبوضہ کشمیر میں جموں ایئرپورٹ پر قائم بھارتی فضائیہ کے اسٹیشن میں بم دھماکوں میں 2 اہلکار زخمی ہوگئے جس سے خوف و ہراس پھیل گیا اور بھارتی سیکیورٹی افسران کی دوڑیں لگ گئیں۔بھارتی میڈیا کے مطابق جموں ایئرپورٹ پر انڈین ایئر فورس کے ایک اسٹیشن میں مبینہ طور پر ڈورن کے ذریعے دو دھماکے
پانچ منٹ کے وقفے سے کیے گئے جس سے عمارت کو شدید نقصان پہنچا، تمام پروازوں کو معطل کردیا گیا۔تاحال جانی نقصان کی کوئی اطلاع نہیں تاہم دو اہلکاروں کے زخمی ہونے کی تصدیق کی گئی، جائے وقوعہ پر میڈیا سمیت کسی کو بھی جانے کی اجازت نہیں دی جا رہی ہے۔ ایمبولینسوں کو جائے وقوعہ کے اندر داخل ہوتے دیکھا جا سکتا ہے۔ڈائریکٹر جنرل جموں پولیس نے میڈیا کو بتایا کہ جائے وقوعہ سے 5 سے 6 کلو وزنی بارودی مواد ملا ہے جس کے بارے میں شبہ ہے کہ یہ ائیر فیلڈ میں ڈرون کے ذریعے گرایا گیا تھا۔ڈی جی پولیس نے مزید کہا کہ ایسا ہی بارودی مواد شدت پسند تنظیم کی جانب سے ایک پْرہجوم مقام پر بھی نصب کیا گیا تھا تاہم قانون نافذ کرنے والے اداروں نے اسے ناکارہ بنادیا تھا۔ دوسری جانب وزیر اعلیٰ پنجاب کے معاون خصوصی سردار تنویر الیاس آزاد کشمیر میں انتخابات میں کامیابی کیلئے سرگرم ہوگئے، جمعیت علماء جموں کشمیر کے اعلیٰ سطحی وفد نے سردار تنویر الیاس سے ملاقات کی، پی ٹی آئی کیساتھ انتخابی اتحاد کا فیصلہ کر لیا،دونوں جماعتوں نے آزاد کشمیر انتخابات میں ملکر چلنے کا اعلان کر دیا جبکہ سردار تنویر الیاس نے کہا ہے کہ وزیراعظم عمران خان نے اسلام اور کشمیر کے معاملے پر کبھی سمجھوتہ نہیں کیا،ہر عالمی فورم پر امت مسلمہ اور کشمیر کا بھرپور مقدمہ لڑاخ
بلاول بھٹو اپنی نابالغ سیاست کشمیر ایشو پر نہ چمکائیں۔۔گزشتہ روز جمعیت علمائے جموں کشمیر کے وفد سربراہ امتیاز احمد صدیقی کی قیادت میں سردار تنویر الیاس سے اسلام آباد میں پی ٹی آئی سیکریٹریٹ ایف ایٹ میں ملاقات کی اور تحریک انصاف کیساتھ اتحاد کا اعلان کیا۔۔ ملاقات بعد میڈیا سے گفتگو کرتے ہوئے سردار تنویر الیاس نے
کہا کہ آج کا دن پاکستان تحریک انصاف کے لیے مسرت کا دن ہے، جمعیت علماء جموں کشمیر سے کافی عرصہ سے مذاکرات چل رہے تھے جس کا نتیجہ آج کا اتحاد ہے۔ ان کا کہنا تھا کہ اسلام اور کشمیر کے حوالے عمران خان نے کھبی سمجھوتہ نہیں کیا، جمعیت علماء اسلام جموں کشمیر آزاد کشمیر بھر میں پی ٹی آئی کو سپورٹ کریں گے،
سردار تنویر الیاس نے بلاول بھٹو کے حالیہ بیانات کو شرید تنقید کا نشانہ بناتے ہوئے کہا کہ بلاول بھٹو کو بولنے سے پہلے کسی سنجیدہ آدمی سے مشورہ کرنا چاہیے، بلاول کی نابالغ سیاست ملک کے لیے خطرہ ہے۔ انہوں نے کہاکہ بلاول بھٹو کی یہی سیاست جاری رہی تو آزاد کشمیر میں شدید ردعمل آئے گابلاول بھٹو نے اسی طرح کی بیان بازی جاری رکھی تو لوگ انہیں بھگائیں گے۔
