اسلام آباد (مانیٹرنگ ڈیسک )نجی ٹی وی پروگرام میں سینئر تجزیہ کار رانا عظیم کہا ہے کہ پاکستان میں صرف دو پارٹیوں کا ووٹ بینک تھا پچھلے تیس ، چالیس سالوں میں ایک پاکستان مسلم لیگ ن اور دوسری پاکستان پیپلز پارٹی جیت کا اقتدار میں آئیں لیکن اس بار تحریک انصاف کی
حکومت اقتدار میں آئی ووٹ بینک پاکستان پیپلز پارٹی کا ہاتھ سے نکلا ہے جس کیلئے انہوں نےدعویٰ کیا ہے کہ یہ ہمارا ووٹ بینک تھا جو تحریک انصاف کو گیا اور ہم کوشش کریں گے اس ووٹ بینک کو واپس لائیں گے ۔ رانا عظیم نے انکشاف کیا ہے کہ میرے پاس یہ اطلاعات ہیں کہ تحریک انصاف کے تین ایم این اے اور چھ ایم پی ایز ہیں جنہوں نے جو پاکستان پیپلز پارٹی سے ڈیل کر چکے ہیں ۔ تاہم انہوں نے کس وقت پی پی میں شامل ہونا ہے اس کا فیصلہ ابھی تک نہیں ہوا ۔ انکا کہنا تھا اعجاز بیال جو پاکستان تحریک انصاف کے ٹکٹ ہولڈر تھے کچھ دنوں تک وہ کافی ایکٹو رہے اور بڑے ذمہ دار تھے وہ پاکستان پیپلز پارٹی میں شامل ہو گئے ہیں ، انہیں منظور وٹو نے اشارہ دیا وہ شامل ہو گئے ہیں ۔ رانا عظیم نے انکشاف کیا ہے کہ ہو سکتا ہے کہ آنے والے دنوں میں تحریک انصاف بہت بڑے نام جو پی پی میں شامل نہ ہو ں لیکن وہ اتحادی ضرور بن سکتے ہیں اور آئندہ انتخابی اتحاد میں شامل ہو سکتے ہیں ۔
