لاہور (این این آئی )جوہر ٹائون دھماکہ،گرفتار ڈیوڈ سے رابطے میں رہنے والے دو افراد کو حراست میں لے لیا گیا،دھماکے میں استعمال ہونے والی کار کو چیک کرنے والے

اہلکار کا بیان بھی ریکارڈ کرلیا گیا۔نجی ٹی وی کے مطابقسانحہ جوہر ٹائون کی تفتیش کادائرہ کار وسیع کردیا گیا،دھماکے میں استعمال گاڑی لینے والے شخص کی گرفتاری کیلئے چھاپے مارے جارہے ہیں،پولیس نے مزید2 مشتبہ افراد کو حراست میں لے لیا۔ حراست میں لیا جانیوالا1 شخص لاہور اور دوسرا خیبرپختونخواہ سے پکڑ ا گیا، دھماکے میں استعمال کار کو چیک کرنے والے اہلکار کا بیان بھی ریکارڈ کرلیا گیا ہے، چیک پوسٹ پر دہشت گرد نے پولیس اہلکار سے مکالمہ کیا۔اہلکار نے لیبارٹری اور سپرداری کی فائل طلب کی، کوائف کی پڑتال کے بعد کار سوار کو جانے دیا۔ ناکے پر اہلکار سے دہشت گرد کا حلیہ اور قد و قامت پوچھی گئی۔