فیصل آباد(این این آئی)فیصل آباد میں برائلر مرغی کے گوشت کی قیمت میں اضافے کا سلسلہ پھر شروع ہو گیا۔تفصیلات کے مطابق برائلر گوشت کی قیمت میں گزشتہ چند روز سے معمولی اتار چڑھا کا سلسلہ جاری تھا گزشتہ روز بھی مرغی کے گوشت کی قیمت میں20 روپے فی کلو اضافہ کیا گیا تھا اور

اب ایک بار پھر سے برائلر گوشت کی قیمت میں 5 روپے فی کلو مزید اضافہ کر دیا گیا جس کے بعد مرغی کا گوشت 345 روپے فی ہو گیا۔زندہ برائلر مرغی کا تھوک ریٹ 225 روپے جبکہ پرچون ریٹ 220 روپے فی کلو مقرر کیا گیا جبکہ فارمی انڈے دو روپے اضافے کے ساتھ 151 روپے فی درجن ہو گئے ۔ چند روز قبل برائلر مرغی کے گوشت کی قیمت میں قدرے کمی آ ئی تھی لیکن اب پھر سے گوشت کی قیمت میں اضافہ شروع ہو گیا ہے جس پر شہریوں نے رد عمل ظاہر کیا ہے۔ شہریوں کا کہنا ہے کہ انتظامیہ برائلر مرغی کی قیمتوں کو مستقل بنیادوں پر کنٹرول کرنے میں مکمل ناکام ہے،انہوں مطالبہ کیا کہ حکومت کوشش کرے کہ مرغی کے گوشت کی قیمت کم ہو کیونکہ اب سستا پروٹین بھی عوام کی پہنچ سے باہر ہوتا جا رہا ہے ، ساتھ ہی حکومت ان وجوہات کا پتہ چلائے کہ کیوں گزشتہ چند ماہ سے مرغی کے گوشت کی قیمتوں میں استحکام نہیں آ رہا قیمتوں میں استحکام نہ ہونے سے  دکاندار بھی تشویش میں مبتلا ہیں۔

موضوعات:مرغی