اسلام آباد(مانیٹرنگ ڈیسک)لاہورمیں مدرسے کے طالبعلم سے بدفعلی کرنے والے مفتی عزیزالرحمان کو پولیس نے گرفتار کر لیا۔پولیس نے طالبعلم سے بدفعلی کرنے والے ملزم مفتی عزیز الرحمان کو میانوالی سے بیٹے سمیت گرفتار کیا۔یاد رہے کہ ملزم مفتی عزیزالرحمان پر طالبعلم سے بدفعلی کا الزام ہے، مفتی عزیز الرحمان کی طالبعلم سے بدفعلی کی ویڈیو منظر عام پر آئی تھی، ویڈیو منظر عام پر آنے کے بعد صدر پولیس نے مفتی عزیز الرحمان کے خلاف مقدمہ درج کیا تھا۔طالبعلم سے بدفعلی کے واقعہ کے بعد مفتی عزیز الرحمان کو مدرسے سے نکال دیا گیا تھا جبکہ ویڈیو اسکینڈل منظر عام پر آنے کے بعد جمعیت علما اسلام نے بھی مفتی عزیز کی رکنیت معطل کر دی تھی۔