اسلام آباد (این این آئی)دیامر میں شاہراہِ قراقرم پر رائے کوٹ میں تتہ پانی کے مقام پر رات گئے ہونے والی لینڈ سلائیڈنگ کی زد میں آ کر ٹرک دب گیا، ملبے سے 2 لاشیں نکال لی گئی ہیں۔تفصیلات کے مطابق دیامر میں شاہراہِ قراقرم پر رائے کوٹ میں تتہ پانی کے مقام پر رات گئے ہونیوالی لینڈ سلائیڈنگ کی زد میں آ کر ٹرک دب گیا،ملبے تلے دبنے والے ٹرک سے 2 لاشیں نکال کر ڈسٹرکٹ ہیڈ کواٹر ہسپتال چلاس منتقل کر دیا گیا ہے۔لینڈنگ سلائیڈنگ کے باعث چلاس تا گلگت روڈ بلاک ہے، جس کی وجہ سے سیاح رات سے پھنسے ہوئے ہیں۔پھنسے ہوئے سیاحوں میں خواتین اور بچے بھی شامل ہیں، متاثرہ علاقے میں ریسکیو آپریشن جاری ہے۔

موضوعات:لینڈ سلائیڈنگ