اسلام آباد ( آن لائن ) وزیر اطلاعات و نشریات فواد چوہدری نے کہا ہے پارلیمنٹ کو بہتر انداز میں چلانے کیلئے معاہد ہ ہو گیا ہے، سپیکر کو بااختیار بنانے کیلئے کمیٹی تشکیل دینے پر اتفاق ہو ا ہے، اپوزیشن سے سپیکر کے خلاف تحریک عدم اعتماد واپس لینے کی درخواست کی ہے ۔ پارلیمنٹ ہائوس کے باہر وفاقی وزیر دفاع پرویز ختک کے ہمراہ پریس کانفرنس
کرتے ہوئے وزیر اطلاعات و نشریات فواد چوہدری نے کہا کہ حکومت اوراپوزیشن کے درمیان ایک اچھے ماحول میں تفصیلی ملاقات ہوئی ہے ملاقات میں پارلیمنٹ کو بہتر انداز میں چلانے کیلئے معاہد ہ ہو گیا ہے ایسا ماحول نہیں بننا چاہے کہ اداروں کے لئے مسائل پیدا ہوں، اسپیکر کو بااختیار بنانے کئلئے کمیٹی تشکیل دینے پر اتفاق ہو ا ہے۔ انہوں نے کہا کہ اسمبلی میں ہنگامہ ارائی سے سبکی ہنگامہ آرائی پہلی بار نہیں ہوئی ایسا ہوتا رہتا ہے ہنگامہ آرائی سے سیاستدانوں کو ندامت کا سامنا کرنا پڑا ، پارٹی کے ارکان کو کنٹرول کرنا پارٹی قیادت کی ذمہ داری ہے ہم اچھے ماحول کیلئے آگے بڑھنا چاہتے ہیں کوشش ہے کہ اسمبلی کا ماحول بہتر انداز میں چلے فیصلہ ہو ا کہ تقریر میں تضیک کا پہلو نہ ہو ۔ وزیر اطلاعات کا کہنا تھا کہ ہمیں نمبرز کا مسلہ نہیں ہے اپوزیشن سے درخواست کی ہے کہ وہ سپیکر کے خلاف تحریک عدم اعتماد واپس لے امید ہے وہ ہماری بات مان جائیں گے اور تحریک واپس لے لیں گے کیونکہ 186ارکان
اسمبلی نے سپیکر پر اعتماد کا اظہار کیا ہے ، بجٹ آسانی سے منظور ہو جائے گا ۔ وزیر دفاع پرویز پرویز خٹک نے کہاکہ شور شرابہ ہو یا کچھ ہو بجٹ پاس ہو جائے گا ارکا ن اسمبلی کی ذمہ دار ی ہے ملک کی بہتری کیلئے کام کریں ، اتفاق ہوا کہ ارکان گالی گلوچ نہ کریں اور نہ ہی اپنی نشستوں سے اٹھیں اور اجلاس میں اچھے رویے کا مظاہر کریں تاکہ اجلاس احسن طریقے سے چلے، حکومت نے بجٹ میں ہلڑ بازی برداشت کی۔
