کراچی (این این آئی)پاکستان فلم و ٹی وی انڈسٹری کے معروف اداکار و ہدایتکار یاسر نواز نے حکومت سے موبائل فون پر لگائی جانے والی کورونا ٹیون تبدیل کرنے کی اپیل کی ہے۔حال ہی میں یاسر نواز نے اپنے تصدیق شدہ انسٹاگرام اکاؤنٹ پر پاکستان کی موجودہ حکومت کے لیے خصوصی پوسٹ شیئر کی تھی۔یاسر نواز نے اپنی پوسٹ
میں حکومت سے اپیل کرتے ہوئے کہا تھا کہ ’حکومت سے درخواست ہے کہ موبائل فون پر لگی کورونا وائرس کی ٹیون کو تبدیل کردیا جائے۔اداکار نے کہا تھا کہ ’کورونا وائرس ٹیون کو تبدیل کرکے سورہ الرحمٰن کی تلاوت لگا دی جائے تاکہ عوام ڈپریشن سے نکل کر تھوڑا سکون حاصل کرسکیں۔اْنہوں نے اپنی پوسٹ کے کیپشن میں ہاتھ جوڑنے والے ایموجیز بھی بنائے تھے۔یاسر نواز کے اس مشورے پر جہاں کچھ صارفین نے اْن کی حمایت کی تو وہیں کئی صارفین نے اداکار کو خوب تنقید کا نشانہ بھی بنایا اور دیکھتے ہی دیکھتے یاسر نواز کی یہ پوسٹ سوشل میڈیا کے مختلف پیجز پر شیئر کردی گئی۔تاہم یاسر نواز نے سوشل میڈیا صارفین کا ردّعمل دیکھنے کے بعد اپنے انسٹاگرام اکاؤنٹ سے یہ پوسٹ ڈیلیٹ کردی جس کی اداکار نے کوئی وجہ بھی نہیں بتائی۔ واضح رہے کہ نامور اداکارہ و ماڈل سویرا شیخ رواں ماہ کے آخرمیںلندن سے لاہور واپس آ جائیں گی ۔ سویرا شیخ ایک ملٹی نیشنل کمپنی کے پراجیکٹ کے سلسلے میں لندن گئی تھیں جہاںانہوںنے اپنے پراجیکٹ کا ستر فیصد کام مکمل کرلیا تھا تاہم کورونا وباء کی وجہ سے سر گرمیاںمعطل ہونے سے باقی کام رہ گیاتھا اوراداکارہ کو بھی لندن میں اپنا قیام بڑھانا پڑگیا تھا۔اب کوروناوباء کی صورتحال میں بہتری کے بعداداکارہ اپنا باقی تیس فیصد کام مکمل کرانے کے بعد رواںماہ کے آخرمیں پاکستان واپس آجائیں گی۔
