کراچی(این این آئی) سرمایہ کاری کے بدل اور تجارتی و کاروباری ترقی کے وسیع تر امکانات کے وجہ سے پاکستان عالمی اداروں خصوصًایورپی آئی ٹی کمپنیوں کے لیے ترجیحی حیثیت اختیار کرچکا ہے اور ملک کے آئی ٹی سیکٹر میںیورپی ادارے طویل المدتی سرمایہ کاری کا ارادہ رکھتے ہیں۔ ان تاثرات کا اظہارای والیجینس
(www.Evolligence.com)کے سی ای او جناب عماد صدیقی نے کیا۔لندن میں قائم دنیا کے نامور سافٹ دیئر آٹومیشن پلیٹ فارم ننٹیکس یوکے(www.Nintex.com) کے ساتھ شراکتی معاہدے پر دستخط کے موقع پر اپنے خطاب میں جناب عماد صدیقی نے کہا کہ تھری جی اور فور جی ٹیکنالوجی کے تعارف سمیت انفارمیشن و موبائل کمیونیکیشن کے شعبوں میں بے مثال ترقی کے باعث پاکستان کو سرمایہ کاری کے لیے صفِ اول کے ممالک میں شمار کیا جانے لگا ہے جس سے بھر پور فائدہ اٹھاتے ہوئے پاکستان کی مجموعی اقتصادی و معاشی ترقی کئی گنا زیادہ رفتار کے ساتھ فروغ پاسکتی ہے۔ حال ہی میںبرطانیہ کی بین الاقومی پروسیس مینیجمنٹ و سافٹ دیئر آٹومیشن پلیٹ فارم Nintex نے مشین لرننگ، آرٹیفیشل انٹیلیجنس و روبوٹکس پروسیس آٹومیشن سے منسلک پاکستانی آئی اداراے Evolligence کے ساتھ شراکت قائم کی ہے۔ اس سلسلے میں دونوں اداروں کے درمیاںشراکتی معاہدے پر دستخط کی ایک خصوصی آن لائن تقریب اسلام آباد میں منعقد کی گئی جس میں عماد صدیقی، سی ای او Evolligence ، ایمان الحظاب ، ریجنل سیلز ڈائریکٹر Nintex، سہیل منہاس ، وائس پریذیڈینٹ سیلز Evolligence، خواجہ مدثر، ڈائریکٹر آپریشنز Evolligence اور دیگر سینئر عہداداران نے
شرکت کی۔ پروسیس مینیجمینٹ اور آٹومیشن کے ہمہ جہت میدان میں عالمی شہرت یافتہ برطانوی ادراے Nintex ٖدنیاکے 90سے زائد ممالک میں Fortune500میں شمارکردہ کمپنیوں سمیت دس ہزار سے زائد عالمی کاروباری و تجارتی اداروں کو جدید ترین ٹیکنالوجی پر مربوط جملہ سروسز فراہم کررہا ہے۔ Evolligenceایک پاکستانی آئی ٹی ادارہ ہے جو ملک بھر میں بین الاقوامی آئی ٹی کمپنیوں کی زیرِ شراکت مشین لرننگ،آ رٹیفیشل انٹیلیجنس اور روبوٹکس پروسیس آٹومیشن جیسے شعبہ جات میں اپنی خدمات انجام دے رہا ہے۔
