اسلام آباد (این این آئی)پاکستان نے بھارت میں دوسری مرتبہ یورینیم کی سمگلنگ پر سخت تشویش کا اظہار کرتے ہوئے مطالبہ کیا ہے کہ واقعہ میں کارفرما عزائم کی تحقیقات کی جائیں۔ جمعہ کو ترجمان دفتر خارجہ نے بھارت میں یورینیم کی غیرقانونی فروخت کی کوشش کی رپورٹ بارے زرائع ابلاغ کے استفسار پر تبصرہ کرت

ے ہوئے کہا کہ بھارت میں چھ کلوگرام یورینیم کی غیرقانونی فروخت کی کوشش کے ایک اور واقعہ کی رپورٹس دیکھی ہیں۔ترجمان نے کہا کہ گزشتہ واقعہ میں بھارتی ریاست مہاراشٹر میں گزشتہ ماہ سات کلوگرام یورینیم کی فروخت کی کوشش کی گئی، ایسے واقعات اور رپورٹس سخت تشویش کا باعث ہیں، لاپرواہی، کمزور ریگولیٹری و انفورسمنٹ میکانزم اور بھارت کے اندر جوہری مواد کی ممکنہ بلیک مارکیٹ پر سخت تشویش ہے۔ انہوں نے کہاکہ اقوام متحدہ کی سلامتی کونسل کی قرارداد1540 اور بین الاقوامی جوہری توانائی ایجنسی کا جوہری مواد کی فزیکل پروٹیکشن کنونشن تمام ریاستوں کو جوہری مواد کے غلط ہاتھوں استعمال روکنے کیلئے ریاستوں کو پابند بناتے ہیں۔ ترجمان نے کہاکہ پاکستان ان واقعات کی مکمل تحقیقات پر زور دیتا ہے، جوہری مواد کو غلط سمت جانے سے روکنے کیلئے اس کی سیکیورٹی کو مضبوط بنانے کے لئے اقدامات کیے جائیں، اس بات کا سراغ لگانا بھی اتنا ہی ضروری ہے کہ یورینیم کی فروخت کی کوشش اور اس کے پیچھے کارفرما عناصر کے مقاصد کیا تھے،یورینیم فروخت کی کوشش کے کہیں بین الاقوامی امن و سلامتی اور عالمی عدم پھیلاو رجیم کے خلاف مقاصد تو نہیں تھے۔ پاکستان نے بھارت میں دوسری مرتبہ یورینیم کی سمگلنگ پر سخت تشویش کا اظہار کرتے ہوئے مطالبہ کیا ہے کہ واقعہ میں کارفرما عزائم کی تحقیقات کی جائیں۔

موضوعات:یورینیم