کوالمپور (آئی این پی ) برما کا شہری معمولی جھگڑے پر ملائیشیا میں مقیم دوپاکستانیوں کے ہاتھ کاٹ کر فرار ہو گیا ،پاکستانیوں کو علاج معالجے میں مشکلات کا سا منا ، حکومت پاکستان سے مدد کی اپیل ۔ تفصیلات کے مطابق ملائیشیا میں مقیم متاثرہ پاکستانی شخص کے بھائی نے کہا کہ میرا بھائی ملائیشیا میں کام کرتا ہے،ایک شخص ان سے گاڑی خریدنے آیا اور پیسوں کے لین دین پر کوئی معمولی جھگڑا ہوا جس پر اس شخص نے تلوار کے وار سے اس کا ہاتھ کاٹ دیا اور اس موقع پر میرے بھائی کا پارٹنر بھی اس کے

ساتھ موجود تھا اور اس نے اس کے بھی ہاتھ کاٹ دیئے اور فرار ہو گیا۔متاثرہ شخص کے بھائی نے مزید کہا کہ ملائیشیا میں مقیم دوپاکستانیوں کو وہاں علاج معالجے میں بہت مشکلات کا سا منا ہے اور ان کے لئے کوئی قانونی چارہ جوئی بھی نہیں کی جا رہی حکومت پاکستان سے مدد کی اپیل ہے ۔واضح رہے کہ زخمی ہونے والے شخص کا نام محمد شہزاد ہے جبکہ اس کا تعلق میانوالی سے ہے اور عمر45سال ہے ،اس کے ساتھی کا نام سید منظور شاہ ہے جس کا تعلق ثوابی سے ہے اور عمر 25سال ہے ۔