اسلام آباد(آن لائن)ایس پی صدر کیپٹن ذیشان حیدر کے حکم پر گولڑہ پولیس نے ای الیون خدادا ہائٹس فلیٹس میں ڈانس پارٹی کے دوران تیسری منزل سے گر کر جاں بحق ہونے والی لڑکی کے بھائی کی مدعیت میں مقدمہ درج کر کے چار ملزمان کو گرفتار کر لیا ۔گرفتار ملزمان میں نامزد ملزمہ اور ڈانسر رابعہ خان عرف حنا پٹھانی سمیت چار ملزمان حسین، ولید اور فیصل کو گرفتار کر کے تفتیش شروع کر دی ۔

واضح رہے کہ 12 اگست کی رات کو خداداد ہائٹس کے فلیٹ نمبر 303 میں ڈانس پارٹی کا اہتمام کیا گیا تھا۔جس میں ثمن اعجاز کی موت تیسری منزل سے گرنے سے موت واقع ہو گئی تھی ۔جسکے واقع کو گولڑہ پولیس دبا کر ملزمان کو بچا نا چاہتی تھی کہ ایس پی صدر کیپٹن ذیشان حیدر کو جب اس واقع کا علم ہوا تو انہوں نے اے ایس پی صدر ذوہیب رانجھاکو حکم دیا کہ واقع کی شفاف انکوائری کرتے ہوئے ملزمان کو فوری گرفتار کیا جائے جس پر مجبورا گولڑہ پولیس نے مقتولہ کے چھوٹے بھائی کی مدعیت میں مقتولہ ثمن اعجاز کی قریب دوست رابعہ خان عرف حنا پٹھانی کو گرفتار کر کے فلیٹ مالک کو شامل تفتیش کیا اور فلیٹ پر رہائش پزیر کرائی دار ولید سمیت وقوعہ کے وقت موقع پر موجود افراد میں سے چار افراد کو گرفتار کر لیا۔پولیس ذرائع کے مطابق وقوعہ کے روز خداداد ہائیٹس میں رات گئے ڈانس پارٹی شروع ہوئی جس میں آئس سمیت شراب اور چرس کا بھی استعما ل ہوا تھا کہ اسی دوران نشے کی حالت میں ثمن 13 اگست کی علی الاصبح تیسری منزل سے دھکا دیا گیا اور زخمی حالت میں اسے پمز ہسپتال منتقل کیا گیا جہاں وہ جاں بحق ہو گئی ۔پولیس کا کہنا ہے کہ لڑکی کے ورثا نے پہلے پوسٹمارٹم کروانے سے انکار کر دیاتھا۔بعدازاں پولیس نے موت کے محرکات جاننے کیلئے اور قتل کے شبہ پر لڑکی کا پوسٹمارٹم کروایا۔ اور مقتولہ کے بھائی کی مدعیت میں واقعہ کا مقدمہ درج کر کے ملزمان کو گرفتار کیا گیا ہے جن سے تفتیش جاری ہے ۔۔۔۔۔۔(اعجاز چیمہ/ سٹاف رپورٹر)