اسلام آباد(نیوزڈیسک)تحریک انصاف کی حکومت کی سب سے بڑی مشکل ختم،آپ اقتدار سنبھالیں اس کے بعد ہم آپ کیلئے یہ سب کرینگے، چین نے عمران خان سے وعدہ کرلیا،تفصیلات کے مطابق تحریک انصاف کو حکومت سنبھالتے ہی قومی خزانے کی بگڑتی ہوئی صورتحال اور واجب الادا قرضوں کی ادائیگی جیسے سنگین مسائل کا سامناکرنا ہوگا

جس کے لئے آئی ایم سے رجوع سمیت دوست ممالک سے قرضے اورنجکاری سمیت متعدد طریقے استعمال کئے جائیں گے، ایسے میں چین نے حیرت انگیز طورپر تحریک انصاف کو ایسا پیغام دیا ہے کہ ان کی تمام تر مشکلات ختم ہوتی نظر آرہی ہیں معروف انگریزی اخبارکے مطابق چین نے پاکستان کو آئی ایم ایف کے پاس جانے سے بچانے کے لیے وعدہ کر لیا ہے کہ وہ پاکستان کو مالی اعانت فراہم کرے گا اس سلسلے میں تحریک انصاف کے ایک سینئر رہنما کا بھی کہنا تھا کہ چینی حکومت نے ہمیں یقین دلایا ہے کہ غیرملکی زرمبادلہ کے ذخائر کم ہونے کی فکر نہ کریں، ذخائر کو مناسب سطح پر رکھنے کے لیے چین پاکستان کو مزید قرض فراہم کرے گا واضح رہے کہ پاکستان کے غیرملکی زرمبادلہ کے ذخائر 9ارب ڈالر کی کمتر سطح پر آ چکے ہیں اور ان میں بہترین کے لیے چین پہلے ہی 2ارب ڈالر پاکستان کو فراہم کر چکا ہے، جن میں سے ایک ارب ڈالر سٹیٹ بینک آف پاکستان کے اکاؤنٹس میں منتقل بھی ہو چکے ہیں۔ تحریک انصاف کی حکومت کے ایک متوقع وزیر نے بھی فنانشل ٹائمز سے گفتگو کرتے ہوئے بتایا کہ چین نے وعدہ کیا ہے کہ وہ مالی بحران سے نمٹنے کے لیے پاکستان کی معاونت جاری رکھے گا تاہم چینی حکام کی طرف سے اپنے پاکستانی ہم منصبوں کو یہ تلقین بھی کی گئی ہے کہ وہ زرمبادلہ کے خسارے کو کم کرنے کے لیے ضروری اقدامات اٹھائیں۔چین کی طرف سے مالی معاونت کے وعدے کے باعث امکان ہے کہ ہماری حکومت کو آئی ایم ایف کے پاس جانے کی ضرورت نہیں رہے گی۔