اسلام آباد(مانیٹرنگ ڈیسک) سعودی عرب کے شہر مکہ میں جنسی زیادتی کی کوشش ، ڈکیتی اور خاتون کو گولی مار کر زخمی کرنیوالے میانمار کے شہری کا جرم ثابت ہونے پر سر قلم کر کے لاش صلیب پر لٹکا دی گئی۔ تفصیلات کے مطابق سعودی عرب کے شہر مکہ میں میانمار کے شہری کا سر قلم کر کے اس کی لاش صلیب پر لٹکا دی گئی ہے۔میڈیا رپورٹس کے مطابق میانمار کے شہر ی عبدالکلام جماالدین نے مسلح ہو کر ایک گھر میں داخل ہو کر دوران ڈکیتی گھر کی مالک خاتون کیساتھ
جنسی زیادتی کی کوشش کی اور مزاحمت کرنے پر اسے گولی مار کر زخمی کر دیا۔ جبکہ اس کے بعد وہ ایک اور گھر میں داخل ہوا اور ڈکیتی کی واردات کی اور گھر میں موجود اسلحہ بھی ساتھ لے گیا۔ عبدالکلام جمال الدین کو گرفتاری کے بعد عدالت میں پیش کیا گیا جہاں اسے سزائے موت سنائی گئی جس کے بعد اعلیٰ عدالتوں نے بھی اس کی سزا برقرار رکھی اور بالآخر سعودی بادشاہ شاہ سلمان کی منظوری کے بعد اس کا سر قلم کر کے اس کی لاش مکہ المکرمہ میں صلیب پر لٹکا دی گئی ۔
