کراچی (این این آئی)اداکارہ رمشا خان نے کہا ہے کہ آئندہ کیمرے کے سامنے دکھائی نہیں دوں گی، شوہر یا نئے خاندان کی جانب سے مجھ پر کوئی پابندی عائد نہیں کی ۔
میڈیا رپورٹ کے مطابق ایک انٹرویو میں رمشا خان نے کہا کہ شوبز اور سوشل میڈیا سے کنارہ کشی اختیار کر لی ہے ،اب آئندہ کیمرے کے سامنے دکھائی نہیں دوں گی۔ انہوں نے کہا کہ شوہر یا نئے خاندان کی جانب سے مجھ پر کوئی پابندی عائد نہیں کی گئی،
میں صرف کیمرے کے سامنے نہیں آنا چاہتی ،نہ ہی چاہتی ہوں کہ سوشل میڈیا پر میرے نام سے کسی قسم کا ہیش ٹیگ چلایا جائے۔ انہوں نے کہا کہ اپنی ازدواجی زندگی سے بہت خوش ہوں اور ایک نجی شہری کی حیثیت سے زندگی گزارنا چاہتی ہوں۔
