ممبئی (این این آئی) یاد رہے کہ بالی ووڈ کے سلطان نے ایک ٹویٹ کے ذریعے شوبز کی دنیا میں تہلکہ مچایا کہ مجھے لڑکی مل گئی مگر تھوڑی دیر بعد سرپرائز پر سے پردہ ہٹاتے ہوئے انہوں نے اصل حقیقت بتائی۔چند گھنٹوں کی خاموشی کے بعد سلمان خان نے ایک وضاحتی ٹوئٹ میں ایک لڑکی کی تصویر شیئر کرتے ہوئے کہا تھا کہ فکر نہ کریں اور خوش رہیں ، انہیں اپنے بہن ارپیتا خان اور اْن کے شوہر
کی پہلی بالی وڈ فلم ’لو راتری‘ کی ہیروئن مل گئی۔سلمان خان کی جانب فلمی دنیا کے لیے پیش کردہ نئے چہرے ورینہ حسین نے دبنگ خان کا شکریہ ادا کرتے ہوئے کہا ہے کہ اتنے اچھے انداز میں شوبز کی دنیا میں داخلے پر میں آپ کی مشکور ہوں۔سلمان خان نے اپنی بہنوئی آیوش کو فلم’’لوراتری‘‘کے ذریعے بالی ووڈ میں متعارف کرانے جارہے ہیں، یہ فلم دبنگ خان کے پروڈکوشن ہاؤس کے بینر تلے بنائی جائے گی۔
