اسلام آباد(نیوزڈیسک) عرب دنیا کی معروف ترین مسلمان اداکارہ صباح جن کا تعلق لبنان سے تھا ان کا انتقال26نومبر 2014کو ہوا، صباح لبنان کی عالمی شہرت یافتہ لیجنڈ اداکارہ اور گلوکارہ تھیں ، اداکارہ صباح کے بارے میں عرب دنیا میں متعدد کہانیاں مشہور ہیں وہ اپنی 9 شادیوں کی وجہ سے بھی خاصی شہرت رکھتی ہیں ، اداکارہ صباح کے منیجر جوزیف غریب نے ان کی زندگی کے چند رازوں سے دنیا کو آگاہ کیا ہے ،صباح کا انتقال 26نومبر

کو لبنان کے دارالحکومت بیروت کے ایک ہوٹل میں ہوا جہاں وہ طویل عرصے سے رہائش پذیر تھیں ، صباح کے انتقال پر تمام عرب ریاستوں میں گہرے رنج و غم کا اظہار کیاگیا صباح کو لبنان اور شام میں خاص طورپر اداکارہ اور موسیقی کے حوالے سے پسند کیاجاتاتھا،اداکارہ صباح 87 سال کی عمر میں انتقال کرگئیں بتایاجاتاہے کہ صباح کا پیدائشی نام جانیٹ جرجس الفغالی تھا اور اپنا کیریئر شروع کرتے ہوئے انہوں نے اپنے لیے صباح کا نام منتخب کیا صباح نے اپنی زندگی میں ہی اپنی تدفین کے بارے میں عجیب و غریب وصیت کی تھی جس کے مطابق انہیں بیروت کے نواح میں واقع ان کے آبائی گاؤں میں دفن کیاگیا جہاں ان کی قبر کی تعمیر انتہائی پرتعیش انداز میں کی گئی ، بتایاجاتاہے کہ صباح کی قبر میں ڈریسنگ ٹیبل، قیمتی فرنیچر ، ایل سی ڈی سمیت دیگر الیکٹرانک آلات اور بہت سی ایسی چیزیں رکھی گئی تھیں کہ بلاشبہ ان کی قبر کو ایک فائیو سٹار قبر کہاجاسکتاہے، صباح کی مقبولیت کی سب سے بڑی اور اہم وجہ ان کے عربی لوک گیت تھے جن کی وجہ سے عرب دنیا میں ان کے چاہنے والوں کی ایک بڑی تعداد موجود تھی ،لبنانی اداکارہ صباح نے اپنے فنی کیرئیر کا آغاز مصر سے کیاتھا اور 90سے زائد فلموں میں کام کیا، کہاجاتاہے کہ صباح نے 9شادیاں کی تھیں ،جن افراد سے انہوں نے شادیاں کی تھیں ان میں مشرق وسطی کی معروف اہم شخصیات شامل ہیں جن میں سے ایک لبنانی پارلیمان کے رکن بھی تھے ، صباح کی ایک اور منفرد بات یہ بھی تھی کہ وہ بیک وقت چار ممالک کی شہریت رکھتی تھیں جن میں امریکہ، اردن لبنان اور مصر شامل ہیں ۔کئی اہم عرب رہنماؤں سمیت اردن کے مرحوم بادشاہ شاہ حسین کے خاندان کے ساتھ بھی صباح کے قریبی تعلقات تھے ۔