کراچی (این این آئی)ٹی وی ،فلم اور تھیٹر کی فنکارہ و ماڈل مہوش حیات نے کہا کہ ریمپ پر واک ہر فنکار کی خواہش ہوتی ہے۔فلموں میں کام کرنے کے بعد برائیڈل شو میں ریمپ پر واک کرکے جو پذیرائی ملی اسکا تصور کوئی آئٹم گرل نہیں کرسکتی۔ مہوش حیات کا کہنا تھا کہ فلموں کے شیڈول کے باعث فیشن انڈسٹری کو وقت دینا ہر ماڈل و فنکارہ کیلئے مشکل ترین امر ہوتا ہے ۔فلم و فیشن انڈسٹری سے ہم بین الاقوامی سطح پر اپنی شناخت بنارہے ہیں۔

ٹی وی فنکاروں و ماڈلز نے شوبز انڈسٹری کو ایک نئی زندگی دی ہے جسکا احساس اس شہر سے دور بیٹھے ہوئے لوگ نہیں کرسکتے ۔ فلم پنجاب نہیں جائو ں گی کی ملک و بیرون ملک کامیابی سے بطور فلمسٹار نئی شنا خت ملی ہے اب بھی کئی نئی فلموں کی آفرز موجود ہیں لیکن اچھا کردار و جاندار سکرپٹ میری ترجیح ہے ۔ مہوش حیات کا کہنا تھا نامعلوم افراد ، ایکٹر ان لا ،جوانی پھرنہیں آنی اور پنجاب نہیں جائوں گی کی کامیابیوں نے مجھے نیا حوصلہ دیا ہے ۔

موضوعات:مہوش حیات