سوئٹزرلینڈ(این این آئی)بالی ووڈ کنگ شاہ رخ خان کو 24 ویں کرسٹل ایوارڈ سے نوازدیا گیا یہ ایوارڈ انہیں خواتین اور بچوں کے حقوق کیلئے سرانجام دی جانیوالی خدمات کے عوض دیا گیا ہے ۔سوئٹزر لینڈ میں ورلڈ اکنامک فورم کے تعاون سے ہر سال ایوارڈ کی تقریب منعقد کی جاتی ہے جس میں دنیا بھر میں سماجی خدمات سر انجام دینے والے افراد کو ایوارڈ سے نوازا جاتا ہے ۔

ایوارڈ لیتے وقت شاہ رخ خان کا کہنا تھا اس ایوارڈ کو حاصل کرنے کے بعد وہ اپنے کام کو مزید جوش کیساتھ کرینگے ۔ اس موقع پر شاہ رخ خان نے اپنی زندگی میں موجود خواتین کا شکریہ ادا کرتے ہوئے کہا میں اپنی بہن، بیوی اور اپنی بیٹی کا شکریہ اداکرنا چاہتا ہوں جنہوں نے میری حوصلہ افزائی کی ۔واضح رہے اس تقریب میں شاہ رخ خان کے علاوہ ہالی ووڈ اداکارہ کیٹ بلینچیٹ اور برطانوی موسیقار سر ایلٹن جان کو بھی ایوارڈ دیا گیا ۔