لاہور (آن لائن)پرائیڈ آف پرفارمنس معروف گلوکارہ شاہدہ منی نے کہا ہے کہ میں گیارہ ماہ تک ماہ صیام کا انتظار کرتی ہوں ، روزے رکھنے کی عادت پچپن سے ہے۔ایک بیان میں انکا کہنا تھا کہ میں نے چاربرس کی عمرمیں پہلی بار روزہ رکھا اور میرے گھر والوں کی خوشی دیدنی تھی جس کی بدولت میری بہت حوصلہ افزائی ہوئی ، خاص طور پر میری والدہ کی شفقت اور تربیت نے مجھے روزوں کی طرف راغب کیا ، مجھ پر خدا کی خاص عنایت ہے
کہ میں آج تک پابندی کے ساتھ روزے رکھتی ہوں اورشوبز سرگرمیوں کو مکمل طور پر معطل کر دیتی ہوں۔انکا کہنا تھا ماہ مبارک میں اپنے اردگرد بسنے والے غریبوں کاخاص خیال رکھنا چاہیے اور رمضان المبارک کیساتھ ساتھ انہیں بھی عید کی خوشیوں میں شامل کرناچاہیے ، انہوں نے بتایا ماہ رمضان میں میری ریلیز ہونیوالی نعت کو سوشل میڈیا پر بہت پذیرائی مل رہی ہے۔
