کراچی (مانیٹرنگ ڈیسک) لیجنڈ کامیڈین عمر شریف ان دنوں چھاتی میں انفیکشن کی وجہ سے ہسپتال میں زیر علاج ہیں، تاہم سوشل میڈیا پر ان کی تصویر شیئر ہوتے ہی افواہیں گردش کرنے لگیں کہ ان کی طبعیت بہت خراب ہے۔
ان کی ہمشیرہ خدیجہ محمود نے میڈیا سے ٹیلی فونک گفتگو میں بتایا کہ عمر شریف بالکل خیریت سے ہیں۔ انھیں چھاتی میں انفیکشن تھا کی وجہ سے ہسپتال میں داخل کرایا گیا ہے۔ انہوں عمر شریف کے مداحوں کی تسلی کیلئے ان کی تصویر بھی شیئر کی جس میں وہ مسکراتے نظر آ رہے ہیں۔
