اسلام آباد (نیوز ڈیسک) کراچی کے علاقے قائد آباد میں کم عمر لڑکی کے ساتھ مبینہ زیادتی کے مقدمے میں پولیس نے نامزد ملزم کو حراست میں لے لیا ہے۔

ابتدائی تحقیقات کے مطابق گرفتار شخص متاثرہ بچی کا بہنوئی بتایا جاتا ہے۔پولیس حکام کے مطابق 15 سالہ لڑکی کے ساتھ مبینہ واقعہ 24 جولائی کو پیش آیا، جب ملزم نے گھر میں اکیلا پا کر اسے مبینہ طور پر زیادتی کا نشانہ بنایا۔قانون نافذ کرنے والے اداروں کا کہنا ہے کہ ملزم کو گزشتہ رات گرفتار کیا گیا، جبکہ واقعے کی مختلف پہلوؤں سے مزید تحقیقات جاری ہیں۔ شواہد اکٹھے کرنے کے لیے متاثرہ لڑکی اور ملزم دونوں کا طبی معائنہ بھی کرایا جا رہا ہے۔پولیس کے مطابق اس واقعے کا مقدمہ متاثرہ لڑکی کی پھوپھی کی درخواست پر قائد آباد تھانے میں درج کیا گیا، جس کے بعد کارروائی کرتے ہوئے ملزم کو گرفتار کر لیا گیا۔ حکام کا کہنا ہے کہ تفتیش مکمل ہونے کے بعد مزید قانونی کارروائی عمل میں لائی جائے گی۔