مرید کے(مانیٹرنگ ڈیسک)ہزاروں دلوں کی دھڑکن ، سٹیج کے معروف اداکار ظفری خان خوفناک حادثے میں شدید زخمی ہو گئے۔ ریسکیو ذرائع کے مطابق لاہور اسٹیج کے معروف اداکار ظفری خان اور خالد گاڑی میں گوجرانوالا سے واپس لاہورجا رہے تھے۔مریدکے کے قریب اُن کی گاڑی
تیز رفتاری کے باعث گرین بیلٹ سے ٹکرا کر اُلٹ گئی۔حادثے میں دونوں اداکار شدید زخمی ہو گئے۔ جنھیں فوری طبی امداد کے لیے میو اسپتال لاہور منتقل کر دیا گیا ہے۔دونوں اداکاروں کی حالت تشویش ناک بتائی جا رہی ہے۔ ظفری خان کے قریبی ساتھیوں نے قوم سے دعائوں کی اپیل کی ہے۔
