ممبئی (آئی این پی)عامر اور رجنی کانت میں مقابلہ ، جیت کس کی ہو گی ؟,شائقین تیار ہوجائیں کیونکہ بولی وڈ کی دو بڑی فلمیں ایک ساتھ ،ایک ہی دن باکس آفس پر ٹکرانے کے لئے تیار ہیں۔جی ہاں، عامر خان اور رجنی کانت کی فلمیں ایک ساتھ رواں سال دیوالی کے موقع پر ریلیز کی جارہی ہیں جس کے باعث دونوں فلموں کے اداکاروں سمیت ہدایت کا روں کی مشکلات بڑھتی ہوئی

نظر آرہی ہیں۔عامر خان کی فلم’سیکرٹ سپر اسٹار‘ 4اگست کو ریلیز ہونا تھی تاہم اب خبریں ہیں کہ اسے دیوالی کے موقع پر نمائش کے لیے پیش کیا جائے گا۔دوسری جانب بولی وڈ اداکار اکشے کمار اور رجنی کانت کی فلم ’2اعشاریہ0‘ بھی دیوالی کے موقع پر ریلیز کی جارہی ہے۔ماہرین کا کہنا ہے کہ یہ اب تک کی سب سے زیادہ بجٹ سے بنائی جانے والی پہلی فلم ہے جس میں اکشے کمار 12جبکہ رجنی کانت 5مختلف روپ میں نظر آئیں گے۔

موضوعات:رجنی کانت عامر