لاہور(این این آئی ) سینئر اداکار جاوید شیخ نے کہا ہے کہ ابتدائی کیرئیر کے دوران سفارشی طور پر کام کیا ،ریڈیو ، ٹی وی اور فلم میں ایکسٹر ارول کئے اور بعد میں اپنی محنت کے بعد موجودہ مقام تک پہنچا ہوں ۔انہوں نے ایک انٹرویو کے دوران کہا کہ مجھ پر دل پھینک ہونے کا الزام لگایا جاتا ہے جس میں کوئی صداقت نہیں ۔اپنے فلمی دور میں تما م ہیروئن کے
ساتھ کام کیا مجھے سب سے زیادہ خوبصورت اداکارہ نیلی لگتی تھیں ۔جاوید شیخ نے کہا کہ آج نئے ٹیلنٹ کے ساتھ کام کرنا اچھا لگتا ہے ۔ فلم نامعلوم افراد میں اداکار محسن نے مجھے اپنی اداکاری سے متاثر کیا ۔انہوںنے ایک سوال کے جواب میں کہاکہ مائرہ خان خوبصورتی میں پہلے نمبر پر جبکہ بشری انصاری ورسٹائل اداکارہ اور طلعت حسین بہترین اداکار ہیں ۔
