کراچی (آئی این پی)پاکستان شوبز انڈسٹری کی معروف اداکارہ سنبل اقبال نے کرئیر کی شروعات2005 میں پاکستان کے معروف نجی چینل سے کی ،بعد ازاں انہوں نے مختلف ڈراموں میں کام کیا جن میں موڑ اس گلی کا،دلِ آباد،میرے خواب ریزہ ریزہ، ریت اور آنگن ،اور روگ وغیرہ شامل ہیں۔
سنبل پاکستان کے تقریباً تمام بڑے پروڈکشن ہاؤسزکے ساتھ کام کرچکی ہیں ،اداکاری کے ساتھ انہوں نے ماڈلنگ کی دنیا میں بھی خوب نام کمایا ہے۔شوبز کی دوسری اداکاراؤں کی طرح سنبل نے بھی اپنی خوبصورتی بڑھانے کیلئے کاسمیٹک سرجری کا سہارا لیا اوراپنی دلکشی میں اضافہ کرلیا۔
