لاہور (آئی این پی) چار شادیاں کرنے والی اداکارہ نور نے اپنے چوتھے شوہر سے اختلافات کے بعد علیحدگی کیلئے لاہور کی مقامی عدالت سے رجوع کرلیا۔ پیر کو ذرائع کے مطابق اداکارہ نور نے ولی حامد سے علیحدگی کے لیے خلع کی درخواست دائر کردی،شادی ڈیڑھ سال پہلے ہوئی تھی۔ولی حامد معروف گلوکار حامد علی خان کے بیٹے ہیں۔ واضح رہے کہ نور نے پہلی شادی 2008 میں دبئی کے ہندو تاجر وکرم سے کی تھی، دوسری
شادی 2010 میں ڈائریکٹر فاروق مینگل سے کی تھی یہ شادی صرف 4 ماہ چل سکی تھی، تیسری شادی 2012 میں عون چودھری سے کی اوروہ بھی چند ماہ چل سکی تھی۔ 3 شادیوں کی ناکامی کے بعد نور نے 2015 میں ساتھی اداکار ولی حامد سے چوتھی شادی کی اوراب دو سال بعد انہوں نے خلع کیلئے لاہور کی مقامی عدالت سے رجوع کرلیا ہے ۔درخواست میں اداکارہ کا کہنا تھا ہماری سوچیں ایک دوسرے سے نہیں ملتیں اس لیے علیحدگی کا فیصلہ کیا ہے ۔
