ممبئی (آئی این پی)بالی ووڈ کی دیسی بیوٹی گرل اداکارہ سوناکشی سنہا کا کہنا ہے کہ فلم انڈسٹری میں کامیابی اپنے فن کے بل بوتے پر حاصل کی ہے‘ باپ کے نام سے نہیں اپنی صلاحیتوں سے آگے آئی ہوں۔ گزشتہ روز ایک تقریب میں میڈیا سے گفتگو کرتے ہوئے سوناکشی سنہا نے کہا کہ فلموں میں اپنی نمائش کر کے کامیابی پر یقین نہیں رکھتی۔ انہیں ایسا کرنے کی کوئی ضرورت نہیں ہے اور ڈائریکٹرز بھی ان کے پاس ایسے کردار لے

کر نہیں آتے۔ان کی فلمیں اس دکھاوے کے بغیر بھی کامیاب ہورہی ہیں۔ سوناکشی کا کہنا ہے کہ وہ اپنی مرضی کی مالک ہیں لیکن خاندان بھی اہم ہے۔ وہ والدین سے مشورے لیتی ہیں اور والدین کے مشوروں کا ان کی زندگی میں اہم کردار ہے۔ انہوں نے کہا کہ اپنے والد ماض کے معرو ف اداکار شترو گن سنہا کی سفارش پر نہیں اپنی صلاحیتوں کے بل بوتے پر آگے آئی ہوں۔