اسلام آباد(مانیـٹرنگ ڈیسک) بالی ووڈ کے معروف اداکار شاہ رخ خان یوں تو اپنے رویئے اور جھگڑوں کے باعث بھی خبروں کی زینت بنتے رہتے ہیں مگر اس بار انہوں نے کچھ ایسا کر دیا ہے جسے جان کر آپ بھی حیران ہو جائیں گے۔ تفصیلات کے مطابق معروف بالی ووڈ اداکار شاہ رخ خان نے اپنی حفاظت کیلئے خواتین گارڈزکی خدمات حاصل کر لیںاور انہیں ہدایت کی ہے کہ وہ اپنے ہاتھوں کے ناخنوں کو بڑھا کر رکھیں اور
انہیں مضبوط بنائیں ۔جب بھارتی ذرائع ابلاغ نے اس حوالے سے کنگ خان سےسوال پوچھا تو ان کا کہنا تھا کہ خواتین کے خوبصورت اور لمبے ناخن ہوتے ہیں جن کو وہ اچھی طرح استعمال کر لیتی ہیں ۔انہوں نے کہا کہ میں نے خواتین محافظین کی خدمات حاصل کی ہیں کیونکہ مرد حضرات خواتین کو آگے بڑھنے سے روکتے اور ان کے ساتھ برا سلوک کرتے ہیں، اور وہ انہیں تحفظ فراہم کرنے کی کوشش کررہے ہیں۔
