لاہور(مانیٹرنگ ڈیسک) پاکستان کی نامور اداکارہ نے طلاق کی تصدیق کرتے ہوئے طلاقہ نامہ میڈیا کے سامنے پیش کردیا۔رپورٹ کے مطابق جاناں ملک نے سابق شوہر نعمان جاوید سے علیحدگی پر خوشی کا اظہار کرتے ہوئے اختلافات اور طلاق کی تصدیق کردی۔جاناں ملک کا کہنا ہے کہ گلوکار نعمان جاوید سے ذہنی ہم آہنگی نہ ہونے کی وجہ سے علیحدگی اختیار
کی ہے،سمجھوتہ نہ ہونے پر ہم دونوں نے ہنسی خوشی راستے الگ کیے ہیں۔اس موقع پر جانا ملک نے سابق شوہر کی آنے والی نئی البم کی کامیابی کیلئے بھی نیک خواہشات کا اظہار کیا۔واضح رہے کہ اس سے قبل گلوکار نعمان جاوید نے معروف گلوکارہ فریحہ پرویز سے شادی کی تھی، تاہم فریحہ سے اختلافات کے باعث نعمان نے علیحدگی اختیار کرلی تھی۔
