کراچی(آئی این پی)ترجمان سندھ پولیس نے دفتر سے جاری ایک اعلامیئے میں بتایا کہ عبدااللہ شاہ غازی کے مزار کے قریب ٹی وی اینکر وقار ذکاء پر نامعلوم ملزمان کے مبینہ تشدد کے حوالے سے میڈیا رپورٹ پر آئی جی سندھ اے ڈی خواجہ نے نوٹس لیتے ہوئے ڈی آئی جی ساؤتھ سے تفصیلی انکوائری رپورٹ فوری طور پر طلب کرلی ہے،انہوں نے ایس ایس پی جنوبی کو جاری کیئے گئے احکامات میں کہا کہ مذکورہ واقعے پر کیس کا اندراج یقینی بناتے ہوئے
مدعی مقدمہ کے بیان اور کرائم سین سے اہم شواہد کو اکٹھا کرکے انتہائی مربوط اور مؤثر تفتیش کی بدولت ملوث ملزمان کی جلد گرفتاریوں کے حوالے سے تمام تر غیرجانبدارانہ اقدامات اٹھائے جائیں۔
