نیو یارک (مانیٹرنگ ڈیسک) مرحوم پاپ اسٹار مائیکل جیکسن کی بیٹی نے بڑا دعویٰ کردیا ہے۔ پیرس جیکسن نے انکشاف کیاہے کہ ان کے والد کی موت طبعی نہیں تھی بلکہ انہیں قتل کیا گیا تھا۔پیرس نے کہا کہ مائیکل جیکسن کہا کرتے تھے کہ ایک دن انہیں مار دیا جائے گا۔ اور بالآخرانہیں مار کر اسے طبعی موت کا نام دے دیا گیا۔

پیرس نے بتایا کہ11 سال کی تھی جب اس کے باپ کا قتل ہوا۔ 14 سال کی عمر میں ان کے ساتھ بھی زیادتی کی گئی ۔ جس کے بعد کئی بار انہوں نے خودکشی کی کوشش کی ۔ دوہزارنومیں مائیکل جیکسن کی موت نشہ آور دوا کی زیادہ مقدار لینے سے ہوئی تھی ،عدالت نے مائیکل جیکسن کی موت کو غیر ارادی قتل قرار دیتے ہوئے ڈاکٹر کو چار سال قید کی سزا سنائی تھی۔